Öl hússins

Nú er með sanni hægt að bjóða upp á vín hússins, eða öllu heldur öl hússins.
Finnst þetta mjög sniðugt og getur einmitt eins og segir í fréttinni skapað veitingahúsum sérstöðu.

Spennandi.

Ölið bruggað á staðnum

Burt með þessa kofa

Ég hef svosem ekki lesið mér til um neina sögu þessarra húsa og veit ekki hvort hún sé merkileg og skrifa ég hér á eftir út frá mínu eigin fagurfræðilega auga.

Mitt fagurfræðilega auga segir "rífið þessi hús, ekki flytja þau annað". Þetta eru pínulitlir kofar sem passa ekki inn í bæjarmyndina (sem er annað mál sem þarf að taka á) og hindra eðlilega uppbyggingu. Ég skil ekki hvers vegna er alltaf verið að halda í einhverja litla kofa. Jú auðvitað er skiljanlegt að það sé haldið í eitt og eitt mjög merkilegt hús (þ.e. þau flutt á eitthvað safn - þau eru hvort eð er svo lítil að þau komast vel fyrir innan í nútíma stórum byggingum) en það er óþarfi að halda í hverja einustu spítu sem er meira en x gömul. Að mínu mati má gamla bæjarmyndin sem verið er að rífast um alveg hverfa fyrir einhverju nýju og betra.

En svo er það annað mál - hvað á að koma þarna í staðinn. Það er eitt sem mér finnst vanta upp á í mörgum bæjarfélögum, heildarsýn - framtíðarsýn. Skammtímalausnir og skammsýni virðast oft einkenna uppbyggingu sem þá skilar sér í sundurlausum og miður fallegum svæðum sem eru ekki í neinu samræmi við eitt eða neitt. Mér finnst oft ekki nógu mikið hugsað um svæðið í kring og hvernig svæðið í kring mun koma til með að líta út í framtíðinni. Að mínu mati er oft bara hugsað um þennan litla blett sem verið er að byggja á og ekkert verið að pæla í hvort það sé í samræmi við annað.
Tökum sem dæmi Borgartúnið þar sem ég er að vinna. Við erum í þessu fína húsnæði sem var verið að breyta (byggt ofan á og tekið í gegn að utan). Fyrir aftan okkar hús er Straums-Burðaráss húsið. Og það eru endalaust mörg stórhýsi að rísa í götunni - en mér finnst þetta vera svo mikið kaos eitthvað og ekkert verið að hugsa um umferðina hérna og hvað þá bílastæðin! Þvílík vöntun á bílastæðum. Já, oft finnst mér "skipulög" enda í hálfgerðu kaosi.

Kúbein á lofti við Laugaveg

Jólatré út um allar götur

Já nú byrjar sá tími sem jólatré fjúka um allar götur og sjást í hverjum krók og kima. Jú auðvitað skila flestir sínu jólatré af sér samviskusamlega, á réttan hátt á réttum tíma, en það eru svo margir sem fara annaðhvort of seint út með tréð og halda að bæjarstarfsmenn séu ennþá að pikka upp trén eða er alveg sama og henda þeim út hvort sem er og bara hvar sem er. Já, á þessum tíma og langt frameftir í janúar eru trén út um allt. Já mér finnst fínt að vera bara með fallegt gervitré og vera laus við þetta vesen - bæði að velja tré, ferja það heim og að losa mig svo við það, já og svo standa í að vökva það reglulega, ryksuga allt barrið sem fellur af þegar tekið er af því og það ferjað út (að vísu þarf að ryksuga örlítið eftir gervitréð líka en það er svo stjarnfræðilega lítið miðað við það raunverulega). Kannski breytist þetta þegar ég er komin með börn til þess að leyfa þeim að kynnast þessum sið (sem ég ólst upp við) að vera með raunverulegt jólatré. 

Jólatré fjarlægð í höfuðborginni

Veistu af hverju mammútar dóu út?

Af því að það voru engir pabbútar!

Frosinn loðfíll gæti varpað ljósi á loftslagsbreytingar

0 bids

..síðast þegar ég tékkaði á ebay.. sem var núna rétt í þessu...

Er hann með svona private bids eða hvað?

Vill 100.000 dali fyrir yahoo.is

Annasamt ár

Eitthvað segir mér að árið 2008 verði einstaklega gott ár og verði nokkuð fljótt að líða. Alveg ótrúlega margt á dagskránni og það er bara 3. jan í dag. Já, og litla systir mín er 8 ára í dag :)

Meðal þess sem er á döfinni eru fjölmörg afmæli og veislur, sem byrjar með fertugsafmæli mágkonu minnar bara núna á laugardaginn, sextugsafmæli móður minnar, fimmtugsafmæli tengdamömmu, ferming hjá Gunnari Þór og fullt af öðrum fermingum í fjölskyldu Tryggva..
Svo eru að minnsta kosti tvær utanlandsferðir planaðar, árshátíðarferð með vinnunni minni og svo einkaferð með Tryggva einhverntíma (er í skipulagningu..)
Og svo er það allt hitt, æfa mig fyrir maraþon, æfa mig á gítarinn, lesa fyrir Microsoft prófið (sem hefur ekki gengið nógu vel hingað til), fara á ræðunámskeið, vera aðstoðarmaður á Dale Carnegie námskeiði (ó já, og ég er ekkert smá spennt fyrir það), læra soldið leyndó sem ég ætla ekki að segja frá strax (hehe.. nú verða einhverjir forvitnir) og svo allt hitt sem mér er ekki ennþá búið að detta í hug að gera :) Hver veit nema maður vinni í lottó og fari að byggja draumahúsið sitt

Já, nóg fyrir stafni sem er bara gott.

Árið 2007 var líka einstaklega gott ár og meðal þess sem stóð mest uppúr var m.a:
-ég skipti um vinnu
-pabbi átti sextugsafmæli
-við fluttum á Vellina í frábæra íbúð (með óþéttum gluggum þó)
-Tryggvi skipti um atvinnuvettvang og starfar nú í okkar eigin fyrirtæki
-tvennar góðar utanlandsferðir
-tvö brúðkaup, eitt sem ég komst því miður ekki í
-utanlandsferðir (Ljubljana og Kaupmannahöfn)
-nýr fjölskyldumeðlimur (She-Ra)
-fékk golfveiruna

og fullt fleira...

Ekki bara kattahland

Úff.. þegar ég var lítil var helsta áhyggjuefnið kattahland og skítur.. nú hafa bæst við eiturlyfjafíklar og salar..

Borðaði hass í sandkassa

Heilsublogg

Nei ég ætla ekki að íþyngja ykkur með einhverju heilsubloggi hérna. En ég ætla að heilsublogga á gömlu síðunni minni. Það er aðallega fyrir mig til að fylgjast með en þeir sem endilega vilja fylgjast með og hafa áhuga mega það alveg.

Er semsagt að vakna af værum blundi leti og sukki og byrja nýtt líf heilbrigðrar skynsemi og hollustu. Ef ég ætla líka að taka þátt í þessu maraþoni í ágúst þarf að breyta lífsstílnum - ekki nóg að æfa pínu. Já og ég kem með úrslitin úr gamla veðmálinu seinna í dag eða á morgun.

En annars vil ég óska öllum gleðilegs nýs árs og þakka kærlega stundirnar á árinu sem liðið er.

How low can you go

Að líkja eftir klæðnaði og aðbúnaði björgunarsveitanna á sölustöðum. Ja hérna. Sýn þessara aðila er skert af grænum lit seðla.. eða kannski bláum (er ekki fimmþúsundkallinn blár? svo langt síðan ég hef séð svoleiðis.. minn "peninga"litur er gylltur eins og kortið mitt). Siðlaust.

Ég skora á hvern sem les þetta að versla eingöngu við björgunarsveitirnar ef það á að kaupa flugelda á annað borð. Björgunarsveitirnar vinna ofboðslega gott starf og þær þurfa góðan útbúnað ef eitthvað kemur upp á hjá mér eða þér. Hvort sem það er lengst uppi á fjöllum, úti á sjó, uppi á jökli eða hvar sem er þá þarf fólkið að komast þangað á sem skemmstum tíma og vera með góðan útbúnað til að takast á við hvaða vanda sem er til staðar. Ég hef sem betur fer ekki þurft að nýta mér einstaklega góða þjónustu björgunarsveitanna en mér finnst afskaplega gott að vita að ef eitthvað kemur upp á að þetta góða fólk muni bregðast fljótt og örugglega við.

Hörð samkeppni í flugeldasölu

Aldrei hefði mér dottið í hug

Að það væri svona vont að byrja að spila á gítar. Kallinn gaf mér þennan forláta (nei ekki forljóta eins og einn ungur drengur misskildi) gítar í jólagjöf og ég er núna með nokkra hljóma á tölvuskjánum (reyndar sjónvarpsskjánum þar sem tölvan er tengd inn í stofu) og er að æfa mig í þeim. Og þar sem ég er algerlega óvön því að spila á gítar þá er ferlega vont að gera gripin. Strengirnir svoleiðis skerast inn í puttana og ég er dofin í fingurgómunum eftir æfingar gærdagsins. En þetta verður nú væntanlega bara á meðan ég er að byggja upp spilafingur.. byggja upp siggið á fingurgómunum. Eftir einhvern tíma verður þetta ekkert mál.. þannig. Verð vonandi ekki svona dofin í fingurgómunum forever.

Eða hvað segja vanir gítaristar? Er þetta ekki örugglega eðlilegt til að byrja með? :)